Jammer dat ons niks die laaste tyd gepubliseer het nie! Die grootste rede was, en ek kan dit nou maar erken, dat ek my kamera se laaier is SA vergeet het! Dit het gemaak dat ons spaarsamig foto's geneem het en nie regtig afgelaai nie om batterykrag te bespaar. Ek het `n plaasvervanger deur Amazon bestel wat tussen 3 en 14 dae afgelaai moes word, maar toe sê hulle ek moet maar net geduldig wag, dit kan tot `n maand neem.
Ek wag toe maar nóg `n maand en toe dit nogsteeds nie opgedaag het nie, het ek hulle weer gekontak en hulle het gesê hulle stuur onmiddellik vir my nog een. Sug. Nog `n maand se wag. En toe kom dit uiteindelik Dinsdag! Ek was so opgewonde en het dadelik foto's afgelaai.
Vandag het ek saam met 32 ander vroue by `n "scrap-dag" my foto's mooi uitgelê en nou kan ek dit met julle deel! (Scrap-dag is soos `n dag kamp waar almal heeldag werk, daar is `n kosspan en `n opwasspan wat betaal word, so die scrappers hoef niks daarvan te doen nie. Dit was groot pret en al scrap ek op my rekenaar, was ek welkom tussen al die papier, printers, en gom!)
Saam met ons was Vicci se gesin (Susan, Nina en Jacques) en nog 2 nuwe Suid-Afrikaners: Jaco en Daniela. Die foto's is `n week voor Daniela se baba se geboorte geneem. Ek het intussen al baba opgepas! Xander is nou al 5 weke oud.
Ons gaan toe maar daar in en toe's dit `n baie oulike plekkie! Ons het heerlike hot chocolate daar gedrink en self `n cupcake op die huis gekry! (Dit was hulle 1 jaar opening anniversary) Hier by ons word die blare hoofsaaklik goudgeel. Die rooi van die Maple kry mens meer aan die oostelike kant van die land - hengse ver van ons af! :-)
